Les mots surlignés font l'objet d'une note
1Monsieur, je vous escriptz dernierement par le cappitaine Baheux comme
2javois envoié le cappitaine Curebource à La Mure avecq trente arquebusiers
3et une lettre adressante au cadet de Vauguedemar questoit enseigne
4de La Balme. Ledit La Balme estoit en ceste ville, lequel jentretenois
5par subtilz moiens affin quil ne sceust le depart dudit Curebource,
6lequel arriva audit lieu de La Mure sur les unze heures du soir,
7presentant ma lettre audit cadet et, lavoyr veu, il feit
8responce quil ny entreroit point quil ne vid ledit La Balme
9et cognoissant que son entreprinse estoyt decouverte, deulx
10heures après minuit, il sortit du château faignant allé en
11son logis quil avoyt en la ville, prins ses pistolles questoient
12chez ung serrurier et sen alla à Château Neufz en Beaulmont, où
13il y a quinze ou vingt soldatz des ennemys et salla rendre
14avecq eulx. Il y a ung gentilhomme de Corp qui sapelle le cappitaine
15Achard, questoyt enseigne de monsieur de Beaulmont au
16au siège de Montilhimard, lequel feust adverty dans ledit Corp
17par ung de ses amys quil se osta de là et quon le volloit
18tuer et quil y avoyt une entreprinse sur les chateaux de La Mure
19et que le tradiment se menoyt par ung des chefz ; lequel Achard
20monta à cheval soudain et sen vint à La Mure, estant dans
21la maison de monsieur de Beaulmont par ce quil
22se tient ordinairement avecq madamoiselle comme parent
23quil luy est dict aux soldatz du château de faire bonne
24garde et quil y avoyt une entreprinse sur lesdits chateaux
25[148 v°] laquelle debvoye estre exequuter ce soir. Lon ma
26faict entendre par le sieur que sy le cappitaine Curebource
27ny feust entré que ladite entreprinse sexecutoyt le mesme
28escriptz dernierement comme javoys mis dans lesdits chateaulx
30pour y commander ung gentilhomme nommé Lagrange quy est
31parent de monsieur du Monestier, dequoy il ma faict
32asseurance quil tiendroyt le château en bonne garde. Le cappitaine
33Curebource les a visité et ma dict que lesdits chateaulx ne se
34peulvent gardé à sy petit nombre de soldatz comme il
35y a. Jen parleray aujourdhuy à messieurs du païs pour
36regarder à tout ce que y sera de necessaire. Ce
37traistre de cadet dict à ceulx de Chateauneufz quant il
38feist retiré avecq eulx pensant leur prendre lesdits chateaulx
39que lentreprinse estoyt fallie comme a dict ung sien
40lacquais qui na despuys vollu demeurer avecq luy.
41Il y avoyt une porte au derrière du château par où ilz
42Balme feust adverty comme javoys envoyé à LA Mure le
44cappitaine Curebource, lequel mavoit promis de ne
45bouger de ceste ville ; et le lendemain, sur une heure
46après midy, il treuva moien davoyr ung cheval et
47sachemina à La Mure. Mays le cappitaine Curebource
48[149] estoyt jà dedans par le moien dudit Achard et dung
49capporal , et estant adverty ledit La Balme que Curebource
50estoyt dedans, il demeura à La Motte. Je ne scay sil
51scavoye rien de lentreprinse. Monsieur, vous mescriptes
52par votre dernière lettre de faire mettre en liberté deulx des
53prisonniers qui sont en ceste ville, par eschange de
54Flory et du seigneur Cezar. Nous balherons Margallier
55et le Moustié. Quand au marchant que me mandés
56quest prisonier à Vitrolle, le consul d’Embrun ma dict
57quil a esté mis à rançon et quilz estoyent prest à luy porter
58argent. Je vous heusse escript toutes choses
59plus tost, neust esté que jattendoys la venue du
60cappitaine Curebource pour vous en escripre à la verité.
61Et ne scaichant autre chose, je finiray ceste par
62mes humbles recommandations à votre bonne grace et
63prie le Createur,
64monsieur, vous donner en bonne santé très heureuse et bien
65Llongue vie. De Grenoble, ce VIIIe febvrier 1574.
66Votre très humble et aubeyssant
67servyteur La thivollière
68Nous navons encor pont entendu
69des nouvelles du seigneur Carles.
70Le cappitaine Goubert ma monstré une lettre que luy avés escript par laquelle luy
71mandés que sy la ville luy doibt quelque chose, quil sadresse à moy. Il demande du
72boys et des chandelles pour luy et son enseigne. Ilz luy en ont desjà balhé une batelle. (= petit bateau)
73Par quoy sil vous plaist me faire entendre votre volenté.
74Ledit Cadet a esté sergent de la
75compagnye de monsieur d’Ourches.
76[149 v°] Monsieur, lauditeur Faure estant à Gap et vollant venir en ceste ville
77obtint passe port de monsieur des Diguières avecq lequel il dina
78samedy passé à Aspres dans la maison de Bonard et ma dict que
79ledit Disguières avoyt receu lettre que jescripvois au Cadet
80pour recepvoyr Curebource avecq les soldatz quil conduisoyt
81dans le château de La Mure y estoyt aussi ledit Cadet.